कबिता: बेइमान
समाज प्रति इमान्दार नि रहबार लोक ट
सामाजत कुछु बिकाश नि कर्बे ।
समाजसेवार नामत टाका खाबार
दाउ पेचत दिन रात लागिए पर्बे ।।
बेइमान ड जेतेलाए असल बात बलोक,
मुखेर स्वादे,गटेलाए बेकार ।
जेतेला करोक लोक देखानि काम,
समाजसेवा नाहए उला टाका पचा ठेकार ।।
चोर जदि मिठ भासन करे बिबेकसिल
इमान्दार लोक दुर दुर भाग्बे ।
जाहे हए आपुन खुद चोर उहाए उहार
सङ्ग बनिए पाछु पाछु लाग्बे ।।
जनतार टाकार हिसाब देखुवा नि पार्ले
समाजेर ताने उहाआर कि कर्बे ।
बैमानेर हातत समाजेर ताला चाबि पर्ले
समाजेर नाम हासाए छर्बे ।।
रचना: मनोरथ राजबन्शि
कन्काइ 9
Comments
Post a Comment