काहे कहछे हामार कोच समाजडत प्रतिभाशाली कला निछे कए ? हामार समाजडत बहुतला कला छिपाल छे मातुन उम्हा कारो सपोर्ट निपाए आर आप्नार कला प्रस्तुत कर्बार अवसर निपाए उम्हाला चुप मारिए छे । यदि हामा गाउँ घरेर कुना कप्चा लुकाल प्रतिभासाली कलाला आन्छाए उम्हालाक हौसला आर कला प्रस्तुत कर्बार अवसर दिले पक्का हामार कोच समाजडर चम्किलो उदाहरण बन्बे । जेनङ कि उदाहरणेर ताने हामार कोच चेली Bandanaa Rajbanc रक लिबा सकेची । इड माइ आजि आप्नार परिवारेर सपोर्ट माया आर हरेक कोच दादाभाइ-बाइबहिनलार सपोर्ट पाए आप्नार कला खान स्टेजलात प्रस्तुत कर्बार सक्षम हइछे । बन्दना माइर संगे classical dancer रेर हरेक टेलेन्ट आर अनुभव छे । आजि तब बन्दना माइर चटमट स्टेज कार्यक्रमलात आप्नार कला प्रस्तुत करिए कोच समाजडर classical डान्सेर उदाहरणिय बनिछे । बन्दना माइरक सिर्फ हामार समाजडर उदाहरणिय मात्र नाहाए बल्की देश बिदेश त भि बन्दाना माइरक चिन्वार आवस्यक छे । इडर ताने बन्दना माइरक सबारे सहयोग आर समर्थन चाहिँ । आसि सबाए बन्दना माइरक हौसला दि साथ दि ताकी माइर देश बिदेसेर टेलेन्टलार संगे प्रतिस्पर्धा करोक अनि आप्नार टेलेन्ट खान बड स्टेजलात देख्वा पाओक । ईन्डियार बड मिडिया Sony, Zee Tv डान्सिङ कार्यक्रमलार भाग लिवार हौसला बढाइ बन्दना माइरक । ताकी उला अन्तर्राष्ट्रिय मिडियासे कोच चेली बन्दना राजबंशी कए सबाए चिनोक । इड अवसरेर ताने हामा गटे दादाभाइ-बाइबहिनला मिलिए माइरक साथ दिवा लागे ताकी आगामी दिनलात हामार कोचलार आर समस्त नेपालीलार नाकट उच्च रहबे । जेनङकि तेरिया मगरट आजि समस्त नेपालीलार भोट पाए प्रथम हए नेपालीलार सान बढाले हो सेम एनङे हामा बन्दना माइरक भि साथ दि आर अन्तरास्ट्रिय डान्स program लात आप्नार नृत्य प्रस्तुत कर्बार अवसर दि ताकी हामार कोच आर समस्त नेपालीलार सान होक ।
अन्ततः बन्दना माइर आगामी दिनलात एइड क्षेत्रत लागिए आगुती बढाेक आर हरेक कार्यला सफल होक कए शुभकामना छे ।
बिबेक राजबङ्शी ।
Comments
Post a Comment